როჯერ დინგლდაინი პრეზიდენტი და თანადამფუძნებელია Tor-პროექტისა, არამომგებიანი წამოწყებისა, რომელიც ავითარებს უფასო და ღია წყაროს პროგრამულ საშუალებებს ხალხის დასაცავად თვალთვალისგან, ცენზურისა და მიყურადებისგან ინტერნეტში. მუშაობს ჟურნალისტებთან და მეამბოხეებთან არაერთ კონტინენტზე, რომ დაეხმაროს მათ იმ საფრთხეთა გააზრებასა და არიდებაში, რომელთაც აწყდებიან. როჯერი დასახელდა MIT-ის ტექნოლოგიურ მიმოხილვაში 35 წლამდე ასაკის 35 რჩეულ გამომგონებელს შორის, აგრეთვე შემდგენელია Tor-ის დიზაინის კონცეფციისა, რომელმაც დაიმსახურა Usenix-Security-ის პრიზი „Test of Time“, გარდა ამისა, Foreign-Policy-magazine ასახელებს 100 რჩეულ საერთაშორისო მოაზროვნეს შორისაც.

იყო ერთ-ერთი თავდაპირველი შემმუშავებელი Tor-ისა და დახელოვნებული ვინაობის გაუმხელი ტექნოლოგიების დანერგვაში. მოხალისეობრივად ჩაერთო Tor-პროგრამაში 2002 წელს, გახდა უფროსი შემმუშავებელი 2007 წელს და პროგრამის წამყვანი არქიტექტორი 2012 წელს. ნიკს დიდი წვლილი მიუძღვის Tor-ის ოქმის მასახიათებლების ყოველისმომცველი აღწერის შედგენაში, რამაც გზა გაუხსნა არაერთ მკვლევარს, საფუძვლად გამოეყენებინა თავიანთი საქმიანობისთვის და გააჩინა არაერთი დამოუკიდებელად განხორციელებული საშუალება Tor-ოქმებზე დაყრდნობით.

გამომგონებელი Onion-დამისამართებისა, Tor-ის შემქმნელი, ავტორი წიგნისა და ასობით ნაშრომისა, ხელმძღვანელი უსაფრთხოებისა და პირადულობის შეხვედრებისა, ცალბორბალათი მეტად მოწანიდებული მოსარგებლე -- ფლობს არაერთ უმაღლეს ხარისხს ფილოსოფიასა და მათემატიკაში. პოლი დამფუძნებელია პირადულობის გასაუმჯობესებელი ტექნოლოგიების სიმპოზიუმისა და ACM-საამქროსი პირადულობის საკითხებზე ელექტრონულ საზოგადოებაში. აგრეთვე, იგი EFF-ის ერთ-ერთი მოთავე და ACM-ის დამსახურებული წევრია. სამი ათწლეულის განმავლობაში მათემატიკის განხრით საქმიანობისას შეერთებული შტატების საზღვაო ლაბორატორიაში, შეთავსებით მუშაობდა მიწვეულ სწავლულად შეერთებული შტატებისა და ევროპის არაერთ ინსტიტუტში.